Жас музыканттардың Республикалық фестиваль- байқауы

14-15 мамыр күндері Астана қаласында Балалар музыка мектептерінің және өнер мектептерінің білім алушылары – жас музыканттардың Республикалық фестиваль- байқауы өтті.  Екі күн бойы Қазақстанның 20 өңірінен келген жас дарындар өз өнерлерін ортаға салып, жоғары шеберлік пен шығармашылық деңгейін көрсетті. Ақмола облысының намысын қорғау үшін байқауда Атбасар қаласы балалар музыка мектебінің хор ұжымы ( жет. Тушембекова Н.Т.) және фортепиана аспабы бойынша жеке орындауда Ержан З., Мынжасарова Д. ( оқыт. Баклан О.В.) өнер көрсетті. “ Замануи әуен” номинациясы бойынша Ержан З.  ҚР Оқу- ағарту министрлігінің Қосымша білім беру ұйымдары оқу- әдістемелік орталығының Алғыс хатымен және естелік сыйлығымен марапатталды! Сондай- ақ хор ұжымына байқауға қатысқаны үшін  сертификат тапсырылды. Фестиваль- байқау жас музыканттардың шығармашылық қабілеттерін шыңдап қана қоймай, өнер арқылы достық пен рухани үндестіктің жарқын алаңына айналды.